Fréttir frá Kisudeild

27 Sep 2012

27. september

Nú er formlega komið haust á landinu okkar góða og haustlitirnir orðnir áberandi. Lita afbrigðin og breytingar sem haustið hefur í för með sér voru tekin sérstaklega fyrir í vettvangsferð í Grasagarðinn Laugardal um daginn.

Í skólahóp höfum við verið að fjalla um okkur sjálf og umhverfi okkar og leitt það áfram með því að tala um höfuðborgina okkar Reykjavík, Ísland, staðsetningu Íslands á jörðinni og munum svo teygja okkur áfram í umhverfið í kringum jörðina, til dæmis tunglið, sólin og sólkerfið. Auk þess eru fastir liðir eins og að fjalla um stafi vikunnar, orðaforði, málskilningur og stærðfræði.

Samstarf skólahóps og Háaleitisskóla/Álftamýri fer senn að hefjast og okkur hefur verið boðið í heimsókn 2. október þar sem við munum heimsækja skólann, hitta fyrsta bekk þar sem kunningjar og vinir frá Múlaborg munu taka á móti okkur í umsjá Árnínu sem sér um bekkinn.

Kynningarfundur: Í næstu viku munu verða haldnir kynningarfundir fyrir foreldra og aðstandendur barna á Kisudeild. fundurinn fyrir 2008 börn verður þriðjudaginn 2. október kl 8.30 og fyrir 2007 börnin 3. október kl 8.30. Fundurinn mun líklega standa yfir í um klukkutíma og hefðbundið starf fyrir börnin inná deild á meðan.

Nokkrar myndir úr starfinu undanfarið:

Grímugerð, Pétur frá Riff myndaði ferlið sem verður sýnt á kvikmyndahátíðinni RIFF ásamt öðrum verkefnum frá öðrum leikskólum.

Hópastarf

brugðið á leik í útiveru

Góðir gestir frá noregi kíktu við

Alvarleiki lífsins í grasagarðinum

Verið að rissa upp Reykjavík í hópastarfi.

Kveðja frá Kisudeild

10 Sep 2012

Vettvangsferðir á fimmtudag

Á fimmtudag, 13. september munu yngri hópur Kisudeildar (börn fædd 2008) fara í Grasagarðinn í Laugardal ásamt böngsunum og við þurfum að vera mætt þangað um 10 leitið. Best er ef að öll börn verði komin til Múlaborgar um 9 leitið til þess að hafa nægan tíma í undirbúning og þessháttar. Mikilvægt að öll börn hafi reiðubúinn viðeigandi haustfatnað svo engum verði kalt:)

Eftir hádegi sama dag kl 13.15 fer svo öll Kisudeild á sögustund í Kúlunni ásamt Böngsum fæddum 2008.

Dear parents,

Next Thursday, the 13. September we will take the kids born 2008 to Grasagarðinn in Laugardal where we will be guided trough the place, have a look at some plants and do some assignments. It's important that the children will have enough clothes to be outside for a while and please be here at Múlaborg around 9 o'clock so we have enough time to prepare for the field trip.

Later the same day all the kids from, Kisudeild will go to a storytelling at Kúlan.

Greetings from Kisudeild:)

04 Sep 2012

Þriðjudagur 4. september

Hér á Kisudeild er skipulagning vetrarins komin á fullt skrið, skipting í hópa að verða klár og fer að styttast í vettvangsferðir á spennandi staði innan Reykjavíkur.

Á föstudag 7. sept er skipulagsdagur og þá er leikskólinn lokaður

svo fer að styttast í foreldrafund og fleira, meira um það síðar,

Kveðjur frá Kisudeild

23 Ág2012

23. ágúst 2012

Múlaborg er hafin á ný eftir gott sumarfrí, veðrið leikur enn við okkur og við reynum að nýta það eins og við getum.

Senn fer vetrar starfið á fullt, þessa stundina erum við að skipta skólahópnum í tvennt og skipuleggja hópastarfið. Við komum til með að gera margt skemmtilegt í vetur, Skólahópur verður til dæmis í samstarfi við Háaleitis- Álftarmýrarskóla, við fáum að kíkja í heimsóknir og vinna að einhverjum verkefnum tengdum skólanum. Allir fá að taka þátt í útikennslu og svo verður stóraval 2x í viku þar sem börnin flakka á milli deilda og fá að leika sér við allskonar athafnir t.d íþróttir í sal, listaskála, hlutverkaleik í kotinu, einingakubba, sull, tölvu og fleira.

Í gær héldum við uppá afmæli, hlustuðum á Pétur og úlfinn og allir fengu ís.

Afmælisbarnið í góðum gír

verið að deila ís á liðið

verðandi heimsborgarar ræða málin

Kveðjur frá Kisudeild

11 Maí2012

Fréttir-Kisur

Vikan 23 - 27. apríl

Þessa viku fórum við í Sorpu og lærðum hvernig á að flokka ruslið okkar og hvað verður um það. Við sáum vélarnar og risastóra ruslaveggi.

Skólahópurinn fór í umferðaskólann. Í þetta sinn var hann í Álftaborg. Þar var farið yfir umferðareglurnar og nauðsyn þess að nota hjálm þegar við erum að hjóla.

Yngri hópurinn lauk dansinum í vetur með danssýningu fyrir foreldra.

Vikan 30.apríl -4 mai

Þessa viku fóru hóparnir í hesthúsin til Gunnsu. Þar fengu þau að kemba hestunum, gefa þeim, moka skít, leika sér í hlöðunni og að sjálfsögðu að fara á hestbak. Þau komu til baka þreytt en mjög ánægð með ferðina.

Vikuna 7 - 11. mai

Við fórum í heimsókn í Háskólann í Reykjavík. Þar vinnur mamma Jóa og Arnar og sýndi hún og samstarfsmaður hennar okkur fjarstýrðan fisk sem kallaður er Nemo. Hann flaug um allt og var mjög skemmtilegt sjá hann. Við sáum líka kafbát sem var búin til þar.

Góða helgi.