hvolpadeild 1
ungadeild 1
bangsadeild 1
kisudeild 1

Hvolpadeild

Article Index

Könnunarleikur er leikur fyrir yngstu börnin (ca. 1-3 ára) með verðlaust efni. Það er búið að safna saman í poka alls konar "verðlausum" hlutum en ekki leikföngum sem eru keypt út í búð. Þetta eru hlutir eins og keðjur, lyklar, dósir, lok, spaðar, tölur, borðar og margt fleira. Eftir að hlutunum hefur verið raðað á gólfið hefst leikurinn. Börnin velja sér hluti og nota þá á margan hátt. Þau fylla, tæma, setja saman, stafla, raða, draga, hrista, velja og hafna. Þau leika sér ótrufluð án fyrirmæla frá hinum fullorðna. Þau leiða leikinn sjálf og læra um leið að hægt er að gera hluti á margan máta. Enginn niðurstaða er rétt eða röng. Í leiknum örva þau skynfæri sín með því að hlusta, snerta, skoða og smakka. Einnig reyna þau á gróf- og fínhreyfingar. Tíminn sem er notaður í tiltekt er ekki síður mikilvægur en leikurinn sjálfur.

Í gegn um tiltekt læra börn að para saman og flokka. En hvorutveggja er undirstaða stærðfræðináms barna.